Valerio, Luca De centro gravitatis solidorum 1604
author index 211 / 283 show/hide xml

Quoniam enim vt supra ostendimus, reliquum solidi AE,
dempto solido ABC æquale esse solido XDE, simili­
ter ostensum remanet, tam reliquum solidi AN, dempto
solido AHLC, æquale esse solido GDM, quam reli­
quum solidi AV dempto solido APTC æquale solido
QDS; erit demptis æqualibus, tam reliquum solidi FE,
dempto solido HBL, æquale solido XGME; quam
reliquum solidi ON, dempto solido PHLT æquale so­
lido GQSM. At reliquum solidi AV dempto soli­
do APTC solido QDS æquale erit. Manifestum est
igitur propositum.

PROPOSITIO XV.

Hemisphærium, vel hemisphæroides subsesqui
alterum est cylindri; vel portionis cylindricæ ipsi
circumscriptæ.

Esto hemisphærium, vel hemisphæroides ABC,
ipsique circumscriptus cylindrus, vel portio cylindri­
ca AE, circa eundem scilicet axem BD, & super can­
dem basim circulum,
vel ellipsim, circa AC:
nam hac ratione basis
opposita solidum ABC
tanget ad verticem B.
Dico hemisphærium, vel
hemisphæroides ABC
esse cylindri, vel portio
nis cylindricæ AE sub

sesquialterum. Nam
circa axem BD, super prædictam basem circa AC, esto
descriptus conus, vel coni portio ABC. Quoniam igitur