Alberti, Leone Battista De re aedificatoria 1485 | ||||||
|
uiribus egerit / ut in se sit ipsum id laudis ad ultimam sui ge
neris speciem formamque redactum.
Quæ aut conferant / immo quæ sint architecto penitus neces
saria ex artibus hæc sunt.
Pictura et mathematica.
In cæteris
doctus ne sit non laboro.
Nam qui architectum dixerit iuriscon
sultum esse oportere / quod aquarum arcendarum / finium regundorum ope
rum nuntiandorum iura / et quæ multa huiusmodi interdicto diffini
untur inter ædificandum tractentur non auscultabo.
Astrorum etiam
in eo exactam peritiam non postulo ea re / quod ad boream bibliothe
cas: ad occiduum solem balnea posuisse conueniat.
Ne musicum
etiam esse oportere dixero ea re / quod in theatris uasa resonantia
apponantur.
Aut rhetorem quod quæ acturus sit prædocuisse re
demptorem iuuet.
Satis. n. rerum earum de quibus dicturus sit /
cogitatio / peritia / consilium / diligentia præstabit: quod apte ac
comodateque ad rem et prudenter loquatur.
Quod ipsum in eloquen
tia primarium et præcipuum est.
Nolo quidem elinguem: nolo auri
bus ad armoniam penitus obtusis.
Sat erit si non inpublico / in
alieno ædificarit: non luminibus offecerit: non stillicidio: non
deriuatione: non itinere seruitutem indixerit: præter interdictum.
Si uentos qua parte orbis / et quibus nominibus appellentur te
nuerit .
Qui si tamen instructior fuerit non recusabo.
Verum
pictura et mathematica non carere magis poterit quam uoce et
syllabis poeta.
Atque haud scio an sit ea satis uel mediocriter
præcepisse.
De me hoc profiteor / multas incidisse persæpius in
mentem coniectationes operum / quæ tum quidem maiorem in modum
probarim eas cum ad lineas redegissem / errores inueni in ea parte
ipsa quæ potissimum delectasset et ualde castigandos.
Rursus
cum perscripta pensitaui / et numero metiri adorsus sum / indi
ligentiam cognoui meam / atque redargui.
Postremo eadem cum mo
dulis exemplaribusque mandassem: nonnumquam singula repetenti
euenit / ut me etiam numerum fefellisse depræhenderim.
Sed ne
Zeusim quidem esse pingendo / aut Nichomacum numeris / aut
Archimedes angulis et lineis tractandis uolo.
Sat erit si no
stra quæ scripsimus pictura elementa tenuerit.. Si eam etiam