Alberti, Leone Battista De re aedificatoria 1485 | ||||||
|
aerem tardius moueri: sed diutius seruare quæ a gelu æstu
ue impressa sint prædicant.
Tenuem uero aerum se se haberi ge
lationi aptum / et cito radiorum commutationibus affici.
Et aiunt agrum incultum et neglectum aerem præstare cras
sum et immitem.
Vbi etiam materia excreuerit conferta /
ita ut eo neque sol neque uenti penetrent / nimirum erit aer
crudior.
Auerno in lacu antra siluarum densitate ita am
biebantur , ut exalans sulphur alites per angustias superuo
lantes necaret.
Cæsar detectis siluis ex pestilenti reddidit
amoenum.
Apud liburnum maritimum oppidum ætruriæ
grauissimis febribus singulas per caniculas uexabantur: ob
iecto ad mare muro accolæ bene habuere.
Post uero fossis
aqua munitionis gratia inducta iterato periclitantur.
Scri
bit Varro cum exercitum haberet apud corcyram / et passim
peste caderent occlusisse omnes fenestras / quæ haustri pa
rerent: et eo pacto exercitum seruasse.
Murano celebri ue
netiarum oppido raro in pestem incidunt: cum proxima me
tropolis ciuitas et frequens et grauiter infestetur.
Euenire
id arbitrantur copia uitrariorum.
Nam certum quidem est
aerem maiorem in modum purgari ignibus.
Et odisse uene
na ignem inditio est quae annotarunt uenenosa animalium ca
dauera non gignere uermes uti aliorum / ex ea re quae ueneni
natura est / necare atque protinus extinguere uim omnem ut
tæ.
Sed eadem si tacta sint fulgure / gignere tum quidem uer
mes: eo quod sit eorum uenenum extinctum igni.
Gigni autem
in cadaueribus animalium uermes non aliunde quam ab ui qua
dam naturæ ignea mouente humidum id illic aptum ignibus:
quos extinguere proprium est ueneni: ubi superet: ubi uero
superetur igne / nihil posse.
Si hærbas extirparis uenenosas
et præsertim squillam: fiet ut malum id terræ nutrimentum
ad se bonæ hauriant plantæ: eoque alimenta inficientur.
Iu
uabit siluam præsertim pomariam nocuis uentis obiicere.
Nam plurimum interest auram qua foliorum umbra exci