Alberti, Leone Battista De re aedificatoria 1485 | ||||||
|
imbres stillicidiorum / aut ita ducerent porrectis fistulis / ut aduen
tantes non aspergerent: aut ita exciperent in pluuiis / ut ad usum
hominum uel intra cisternas colligerent: uel cogerent certis locis
emanare unde priuate sordes abluerentur: et hominum nares ocu
lique minime offenderentur.
Et in primis curasse mihi uisi sunt:
Vt omnem aquam pluuiam longe ab ædificio arcerent atque amo
uerent / cum cæteras ob res / tum ne ædificii solum humectaretur
Et in omnibus apertionibus id mihi curasse etiam uisi sunt / ut e
as ponerent locis aptissimis / Vnde plurimum commodorum uni
uerso ædificio præstaretur: & præsertim puteos maxime in publi
ca & patenti ædis parte ponendos statuo / modo digniora: & non
sua spatia non occupentur.
Et sub diuo positos puriorem & since
riorem aquam exhibere physici affirmant.
Sed quacunque ædis
parte aut putei infossi: aut cloacæ substratæ fuerint: Aut aqua et hu
mor infuderit / apertiones esse illic oportet eiusmodi Vt eo pluri
mum aeris aspiret / quo humectæ exalationes pauimenti abstergan
tur et depellantur uentorum afflatu atque aeris impulsu.
Hactenus de lineamentis ædificiorum / quæ ad uniuersum opus
pertinere uidebantur / perstrinximus / singulis rerum dicendarum
generibus annotatis.
Nunc de opere & structura ædificiorum dicen
dum est Sed prius de materia: & rebus his / quæ parasse ad mate
riam opportet.
LEONIS BAPTISTAE ALBERTI DE MATERIA
LIBER SECVNDVS
PVS AEDIFICIORVM ATQVE
impensam non temere incohandam arbitror /
cum cæteras ob res / tum ne honori et nomini
officiat.
Nam cum bene constitutum opus
his omnibus laudem efferat: qui in ea re con
silium: operam: studiumue adhibuere: tum et si quod
erit in quo auctoris prudentiam aut opificis periti
am ulla ex parte desideres / plurimum laudi & nomini officiet.