cetur: atque in pictura ad supremum caput axis adscribetur
Quam quidem diametrum cum erit descripta in particu
las diuidemus duodecim. Harum particularum integram
unam occupabunt una torquis et nextrum summæ proiectu
ræ. Sic nam torquis huius ipsius xii. tertiam capiet bis: reli
quum dabitur nextro. Sed hac proiectura erit retractio: cu
ius centrum distabit a centro supremi circuli proiecturæ ex
particulis illius. xii. una atque insuper dimidia. Eritque retra
ctionis ipsius diameter minus diametro maximo proiecturæ
ex illius nona. Post hæc ducetur inflexa linea ductu quali
infimam duximus inflexuram. Demum perscriptis in pictu
ra proiectionibus / retractionibus / obliquis inflexuris et uen
tris diametro ducetur linea recta a capite retractionis supre
mæ atque item a capite imæ retractionis ad caput diametri:
qua uentrem notarimus. Itaque his quas recensuimus perscrip
tionibus linea quæ finitor dicitur composita est. Ad cuius
lineæ modum tabula gracilis deformabitur / qua fabri lapi
cidæ iustum columnæ ambitum et finitiones captent atque
terminent. Scapi imi superficies si erit columna bene torna
ta ad pares utrinque angulos medii perpendiculi coæquabitur
ducto radio a centro circuli / qui in suprema columnæ super
ficie sit. Hæc a ueteribus litteris tradita non inuenimus: sed
diligentia studioque ex optimorum operibus annotauimus.
Quæ sequentur ad istiusmodi lineamentorum rationes ma
xima ex parte pertinebunt: eruntque multo dignissima et ad
pictorum delitias mirifice conferent.

LEONIS BAPTISTAE ALBERTI DE RE
AEDIFICATORIA LIBER SEPTIMVS
QVI SACRORVM ORNAMENTVM
INSCRIBITVR.