Valerio, Luca De centro gravitatis solidorum 1604
author index 92 / 283 show/hide xml

Dico sphæræ, vel sphæroidis ABCD, centrum grauitatis
esse E. Sint enim bini axes sphæræ, vel sphæroidis inter
se ad rectos angulos; & in sphæroide sit maior diameter
BD, minor AC, per binos autem hos axes plana tran­
seuntia ad eos axes erecta, secent sphæram, vel sphæroidem.
Qua ratione axes dimidij erunt axes hemisphærij, vel he­
misphæroidis: hemisphærium autem, & sphæroidis est fi­

gura circa axim in alteram partem deficiens, qualium om­
nium figurarum centrum grauitatis est in axe; igitur hemi­
sphærij, vel hemisphæroidis ABCD, centrum grauitatis
est in axi BE, sicut & reliqui ADA, in axi ED; totius
igitur sphæræ, vel sphæroidis ABCD centrum grauitatis
est in axi BD. Eadem ratione & in axi AC; in communi
igitur sectione centro E. Quod demonstrandum erat.

PRIMI LIBRI FINIS.