PROPOSITIO XXIII.

Circuli, & Ellypsis idem est centrum grauita
tis, & figuræ.

Sit circulus, vel ellypsis ABCD, cuius centrum E.
Dico centrum grauitatis figuræ ABCD, esse punctum E.
Ducantur enim duæ diametri ad rectos inter se angulos
AC, BD; in ellypsi autem sint diametri coniugatæ.
Quoniam igitur omnes rectæ lineæ, quæ in semicirculo,
vel dimidia ellypsi diametro ducantur parallelæ bifariam
secantur à semidiametro, & quo à basi remotiores, eo sunt

minores; erit centrum grauitatis semicirculi, siue dimidiæ
ellypsis ABC, in linea BE; sicut & semicirculi, siue di
midiæ ellypsis ADC, centrum grauitatis in linea DE.
est autem BED, vna recta linea: in diametro igitur BD,
erit centrum grauitatis circuli, siue ellypsis ABCD.
Eadem ratione ostenderemus idem centrum grauitatis esse
in altera diametro AC: in communi igitur vtriusque se
ctione puncto E. Quod demonstrandum erat.