Valerio, Luca De centro gravitatis solidorum 1604 | ||||||
|
PROPOSITIO XIII.
Cuilibet figuræ solidæ parallelepipedum æqua
le potest esse.
Sit quælibet figura solida A.
Dico solido A, parallele
pipedum æquale posse existere.
Exponatur enim paral
lelepipedum BC, cuius basis BG.
Quoniam igitur est vt
solidum BC, ad solidum A, ita recta linea, siue latus BD,
ad aliam rectam lineam; producto latere BD, sit vt BC,
ad A, ita recta BD, ad rectam DE, & compleatur pa
rallelepipedum CE.
Quoniam itaque est vt BD, ad DE,
ita parallelogrammum siue basis BG, ad parallelogram
mum, siue basim EG; hoc est parallelepipedum BC, ad
parallelepipedum CE: sed vt BD, ad DE, ita est paral
lelepipedum BC, ad solidum A; vt igitur parallelepipe
dum BC, ad solidum A, ita erit parallelepipedum BC,
ad parallelepipedum CE; parallelepipedum igitur CE
æquale erit solido A.
Quod fieri posse proposuimus.