PROPOSITIO XXVII.

Si sint quotcumque magnitudines, & aliæ illis
multitudine æquales, quæ binæ commune habe
ant in eadem recta centrum grauitatis; sumpto au
tem ordine ab vno eius lineæ termino, maior sit
proportio primæ ad secundam in primis, quàm
primæ ad secundam in secundis: & secundæ ad
tertiam in primis maior quàm secundæ ad ter
tiam in secundis, & sic deinceps vsque ad vltimas;
erit omnium primarum simul centrum grauitatis
propinquius prædicto lineæ termino, à quo sumi
tur ordo, quàm omnium secundarum.

Sint quotcumque magnitudines GHI, & totidem
LMN. Sitque maior proportio G ad H, quàm L ad M: &
H ad I, maior quàm M ad N: in recta autem AB sint
communia centra grauitatis, C duarum magnitudinum
GL, & D duarum HM, & E duarum IN. omnium

autem primarum GHI simul sit centrum grauitatis K: at
secundarum omnium LMN centrum grauitatis R. Di
co centrum K cadere termino A propinquius quàm cen
trum R. Fiat enim vt G ad H, ita DP ad PC: & vt L
ad M, ita DQ ad QC. Maior igitur proportio erit DP