conus EDR. Sectoque axe BD primo bifariam, deinde
singulis eius partibus rursus bifariam, transeant per pun
cta sectionum plana basi hemisphærij AC æquidistantia,
quæ secent hemisphærium, conum, & cylindrum. Se
ctus igitur erit AE cylindrus in cylindros æqualium alti
tudinum: super sectiones autem coni, atque hemisphærij
nempe circulos, quorum centra in axe BD existunt cy
lindri constituti intelligantur binis quibusque proximis
æquidistantibus planis interiecti, quorum axes omnes
æquales in BD. Erit igitur cono EDR inscripta, & ABC

hemisphærio circumscripta figura quædam ex cylindris
æqualium altitudinum. Sint autem hæ figuræ ea ratione
hæc circumscripta illa inscripta, vt circumscripta excedat
hemisphærium, minori excessu, inscripta vero deficiat à
cono minori defectu quam sit magnitudo proposita, quan
tacumque illa sit. His constitutis, manifestum est, reliquo
cylindri AE dempto hemisphærio inscriptam esse figu
ram ex residuis cylindrorum, in quos cylindrus AE se
ctus fuerit, demptis cylindris hemisphærio circumscriptis,
deficientem à reliquo cylindri AE dempto hemisphærio
minori defectu magnitudine proposita, eodem scilicet,
quo figura hemisphærio circumscripta excedit hemisphæ
rium, excepto residuo cylindri infimi AS, dempta he
misphærij portione, quam comprehendit. Sit autem om-