5
ri debent; & cętera huiusmodi.
Ex quibus patet maximum esse
inter tantos viros in his pertractandis consensum.
Ambiget
fortasse quispiam, nunquid hęc principia rectè ab illis fuerint
pertractata?
sed statim omnis cessat dubitandi occasio, si tan
torum virorum pręstantia ad memoriam reuocetur; quibus,
citra controuersiam in disciplinis ab ipsis traditis, omnes eru
diti palmam deferunt.
vt 〈que〉madmodum abs〈que〉 Aristotele duce,
at〈que〉 doctore, nemo ad rectè philosophandum, ita ne〈que〉 etiam
ad Mathematicam, pręcipue〈que〉 Mechanicam disciplinam
abs〈que〉 Archimede sese quispiam disponere possit: quorum sanè
apud peritiores authoritas meritò ob id suprema extat; quòd
ab ipsis res eo meliori, pręstantiori〈que〉; modo pertractatę fuerunt,
quo ipsarum rerum natura, at〈que〉 doctrinę ratio postulabat. &
qui scientiarum cupidi sunt, illos sequi, eorum què scripta sępè
sępius attentè perlegere debent.
Pręterea philosophię, ac Ma
thematicę professores in hoc conueniunt; quòd cùm aliqua ad
philosophiam spectantia tractant; mirum in modum Aristo
telem laudibus extollunt.
qui verò Mathematicas pertractare
studét, statim ad Archimedis laudes pariter se conferunt. tametsi
circa ea, quę nó sunt Archimedis versentur; vt quam plurimi fece
re, quod quidem optimo factum est consilio.
etenim si ea, quæ
mathematica ope indigent, laudare volunt, ad Archimedem
confugiendum est; vt si inuentionem, subtilissimum Archi
medis inuentum afferant, quo modum adinuenit cognoscen
dę quantitatis argenti, quod erat in corona Regis aurea, vt Vi
truuius testatur; & alia huiusmodi; si admirabilia, statim affe
rant Archimedis sphęram in globo vitreo elaboratam, in qua
omnes cęlestis sphæræ motus relucebant; ita ut natura potiùs
Archimedem immitata, quàm Archimedes naturam illusisse
videatur; nauim præterea graui pondere oneratam è mari in
littus ab Archimede eductam; aliaquè id genus plurima.
De
ni〈que〉 si res Mathematicas ciuitatibus esse vtiles ostendere vo
lunt, ea, quæ ab Archimede contra Marcellum in defensio
ne patriæ facta fuere, in medium afferant, quo tempore bellica
opera adeo mirabilia effecit, vt solus Archimedes contra bel
licosissimos Romanos pugnare sufficiens videretur.
quæ qui
dem omnia Mechanica disciplina confecta sunt.
Quid igitur