79
Ducantur à punctis MN ipsi AGE ęquidistantes QMR
SNT. erunt vti〈que〉 AQRG, & GSTE parallelogramma.
Quoniam igitur parallelogramma AK GF in æqualibus
suntbasibus AG GE, & in ijsdem parallelis; erunt AK GF
inter se ęqualia. & quoniam AC GK EF sunt ęquidistantes;
erit angulus CAG ipsi KGE ęqualis, & KGA ipsi FEG
æqualis; & horum oppositi inter se sunt ęquales; ergo paralle
logrammum GF ipsi AK ęquale, & simile existit. Ita〈que〉
si GF collocetursuper AK, rectè congruet: eruntquè paral
lelogramma inuicen coaptata. lineęquè GE AG, GK AC, &
reliquæ coaptatæ erunt. quare eorum centra grauitatis inui
cem coaptata erunt. hoc est N erit in puncto M. Quoniam
autem à punctis MN (quod nunc intelligitur vnum tantum
esse punctum) ductæ fuerunt ST QR ipsi AGE æquidi
stantes, linea ST coaptabitur cum QR, quippe cùm ambæ
hæ lineæ ab vno puncto prodeuntes ipsi AG ęquidistantes
esse debeant. punctum igitur S in Q, & T in R coaptabi
tur. eritquè QM ipsi SN ęqualis, & MR ipsi NT. ac pro
pterea linea GS parallelogrammi GT erit coaptata in A〈que〉
& ET coaptata erit in GR parallelogrammi AR. Vnde e
rit AQ ęqualis GS, cùm sint coaptatæ; & GR ipsi ET ę
qualis; cùm sint quo〈que〉 coaptatę. Quocirca quoniam pa
rallelogramma AR GT sunt inuicem coaptata, paral
lelogrammorumquè opposita latera sunt inter se ęqualia, erunt
AQ GS GR ET inter se ęqualia. Nunc autem intelligantur
parallelogramma AK GF non ampliùs coaptata. & quoniam
lineę QMR, & SNT suntipsi AGE parallelę; & AQ GR,
GS ET, inter se suntæquales, & ęquidistantes; puncta RS in
vnum coincident punctum. eritquè QST linea recta. ex qui
bus patet, rectam lineam, quæ coniungit centra grauitatis MN
ipsi AGE æquidistantem existere. eodemquè modo ostende
tur rectas lineas, quæ coniungunt grauitatis centra NO, cen
traquè OP, ipsi AB æquidistantes esse. Vnde sequitur lineam
MNOP rectam esse. Quare primùm constat grauitatis centra
in recta linea existere.

36. primi.

29. primi.

34. primi.

5. post, hu
ius.

34. primi.

Quoniam autem ostensum est QM æqualem esse ipsi SN,
& MR ipsi NT, eodem quo〈que〉 modo ostendetur OT ęqua-