In _[tri]ang[ul]o rectangulo 'bcd' fiat angulo 'd' aequalis angulus 'cbe', et iungatur 'eb': erunt ergo 2 _[tri]ang[ul]a 'dcb', 'ebc' similia. Dividatur tota 'dc' bifariam in 'h' et parallela 'hi' sit ipsi 'cb'. Dividatur pariter 'ec' bifariam in 'f', et ducatur 'fg' parallela 'bc', et fiat ut 'dh' ad 'hi' ita 'hi' ad 'hl', et iungatur 'li': erit _[tri]ang[ul]um 'lih' simile _[tri]ang[ul]o 'dhi', et ob id simile quoque ipsi 'efg'; sed 'hi' est aequalis 'gf' (utriusque enim dupla est 'bc'), ergo reliqua latera 'hl', 'fe' aequalia erunt; quare ter[t]ia proportionalis ipsarum 'lh', 'hi', nempe 'hd', erit aequalis _[tertia]e proportionali ipsarum 'ef' et 'fg'. Sed 'hd' _[terti]a proportionalis ipsarum 'lh', 'hi' est 'hd', dimidia nempe totius 'dc': ergo _[terti]a proportionalis ipsarum 'ef', 'fg' aequabitur dimidiae 'cd', nempe ipsi 'ch'.

Sed 'ch' est aequalis 'fl', cum 'cf' sit aequalis 'hl', et 'fh' communis: ergo _[terti]a proportionalis ipsarum ipsarum 'ef', 'fg' erit 'fl', terminata in puncto 'l', ubi terminatur _[terti]a proportionalis ipsarum 'dh', 'hi'. Ex hoc demonstrabitur proiectorum secundum elevationes a semirecta per angulos [a]equales factorum amplitudines parabolarum esse aequales.