Dato quolibet plano non ascendente, post perpendiculum ei adiu[n]gere, quod conficiatur eodem tempore ac ipsum planum datum post casum in perpendiculo. Constat autem, quod si datum planum fuerit orizontale, perpendiculum additum erit plani dimidium; si vero datum fuerit perpendiculare, adiunctum perpendiculum erit pars _[terti]a. De horizontali demonstratum iam est, tempus quo talia 2 spatia conficiuntur esse omnium brevissimum.

Sit datum planum, primo, perpendiculare 'ab', cui oporteat addere partem, quae ex quiete conficiatur tempore eodem ac perpendiculum 'ab' post ipsum additum.

faciendum Si tempus 'ca' debet esse aequale tempori 'ab', ergo totum tempus 'cb' erit _[du]plum temporis 'ca': sed tempus per 'bc' ad tempus per 'ca' est ut media inter 'bc', 'ca': ergo media inter 'bc', 'ca' debet esse _[du]pla 'ac'. sed si Posito igitur quod 'cd' sit media et _[du]pla inter 'bc', 'ca', cum sit ut 'bc' ad 'cd', ita 'dc' ad 'ca', erit etiam ita 'bd' ad 'da'; ergo 'bd' debet esse media _[du]pla 'da'. Posita ergo 'bd' _[du]pla 'da' et 'dc' _[du]pla 'ca', idest 'ac' aequali 'ad', factum erit etc.

Modo non sit 'ab' perpendicularis, sed inclinata: constat similiter, tempus per 'cab' futurum esse _[du]plum temporis per 'ca', seu per 'ab' post 'ca'. Ponatur 'ad' pars _[terti]a 'ab', et perpendicularis 'dc' occurrat 'ac': tempus 'da' aequatur tempori 'ab', sed tempus quoque per 'ca' aequatur tempori per 'da'.