Aliter ostendemus, mobile, temporibus aequalibus, pertransire 'ca', 'da'.

Sit enim 'ba' aequalis ipsi 'da', et ducantur perpendiculares 'be', 'df': constat ex elementis mechanicis, momentum ponderis super plano secundum lineam 'abc' elevato ad momentum suum totale esse ut 'be' ad 'ba', eiusdem vero ponderis momentum super elevatione 'ad' ad totale suum momentum, eamdem ob causam, esse ut 'df' ad 'da' vel 'ba'; ergo eiusdem ponderis momentum super plano secundum 'da' inclinato ad momentum super inclinatione secundum 'abc' est ut linea 'df' ad lineam 'be'; quare spatia, quae pertransibit idem pondus temporibus aequalibus super inclinationibus 'ca', 'da', erunt inter se ut lineae 'be', 'df'. At ut 'be' ad 'df', ita demonstratur se habere 'ac' ad 'da'; ergo idem mobile temporibus aequalibus pertransibit lineas 'ca', 'da'. esse

Esse autem ut 'be' ad 'df', ita 'ca' ad 'da', ita probatur.

Iungatur 'cd', et per 'd' et 'b', ipsi 'af' parallelae, agantur 'dl' 'dgl', secans 'ca' in 'i', et 'bh': eritque angulus 'adi' aequalis angulo 'dca', cum circumferentiis 'la', 'ad' aequalibus insistant, estque angulus 'dac' communis. Ergo triangulorum aequiangulorum 'cad', 'dai' latera circa aequales angulos proportionalia erunt, et ut 'ca' ad 'ad', ita erit 'da' ad 'ai', idest 'ba' ad 'ai', seu 'ha' ad 'ag', hoc est 'be' ad 'df': quod erat probandum.

Collige, existentibus planis inaequaliter inclinatis 'ad', 'ac', atque data longitudine 'ad', inveniri posse in plano 'ac' pro portionem, quae eodem tempore cum 'da' peragatur. Ducto enim perpendiculo 'df', et posita 'ab' aequali 'ad', ductoque perpendiculo 'be', fiat ut 'df' ad 'eb', ita 'dc' 'da' ad 'ac'; eritque tempus per 'ca' aequale tempori per 'da'.