Cadens ex 'a' in 'c', conversus, describit parabolam 'cd'; si vero momentum velocitatis in 'c' duplum foret, describeret parabolam 'ce', cuius 'eg' dupla esset ad 'gd': impetus enim duplus in 'c' permeat in orizonte duplum spacium tempore eodem. Sed ut acquiratur in 'c' momentum duplum, necesse est casum fieri ex _[quadru]pla altitudine, nempe ex 'cb'. Pariter, ex altitudine _[quadru]pla ad 'cb' describetur parabola 'cf', cuius amplitudo 'gf' _[du]pla est ad 'ge'.

Verum mobile in 'd' videtur supra impetum in 'c' addere impetum acquisitum per parabolam 'cd', quod respondet altitudini 'cg'. Mobile vero in 'e' idem momentum addit supra impetum quem habuit in 'c', qui erat _[du]plus ad impetum alterius mobilis; ergo impetus mobilis in 'e' videtur esse sexquialterus ad impetum mobilis in 'd'. Similiter invenietur impetum in 'f' ad impetum in 'e' esse ut 5 ad 3.

In elevatione igitur 'ea' si proiectum habuerit impetum sexquialterum ad impetum in 'd', proiecti secundum elevationem 'da' proiicientur secundum parabolas 'ec', 'dc' intra easdem parallelas, sed dixtantia 'eg' dupla erit ad 'dg'.

Impetus in 'c' cadentis ex 'a' sit 100
cadentis ex 'b' sit erit 200
impetus in 'd' erit 200
impetus in 'e' erit 300.

Cadentis in 'a' ex 'h' impetus in 'a' erit 141; conversi vero per parabolam 'ae' impetus in 'e' erit duplicatus, nempe 282. Constat igitur, maiorem esse impetum venientis per parabolam 'ce' in 'e', quam venientis per parabolam 'ae'. Et si proiectum ex 'e', secundum elevationem 'eh', habet impetum ut 282, conficiet parabolam 'ea'; secundum elevationem vero 'ea' conficiet proiectum parabolam 'ec', si habuerit impetum ut 300. Ergo in elevazione [elevatione] semirecti 'eh' ab eadem vi longius eiaculatur, quam in elevatione 'ea', quae minor est semirecto.

Impetus in 'f' est 500, venientis per parabolam 'cf'. Venientis vero per parabolam 'hf', impetus in 'f' est 400. Ex quo patet etiam, longius eiaculari ab eadem vi per elevationem semirecti, quam per minorem.

Impetus in 'c' ex 's' erit 50; in 'r' erit 150.

Impetus vero in 't' ex 'c' est fere 70 1/2; conversi per parabolam 'tr' in 'r' erit 141, minor nempe quam venientis ex 's' per 'c' in 'r', qui fuit 150. Unde consta[t], quod in elevatione semirecti 'rt' ab eadem vi longior fit pr[o]iectio, quam per elevationem 'rc'.