Si in perpendiculo et in plano inclinato, quorum eadem sit altitudo, feratur idem mobile, tempora lationum erunt inter se ut plani inclinati et perpendiculi longitudines.

Sint ad planum orizontis 'cb' perpendiculus 'ab' et planum inclinatum 'ac', quorum eadem sit altitudo, nempe ipsa perpendicularis 'ab', et per ipsa descendat idem mobile: dico, tempus lationis per 'ab' ad tempus lationis per 'ac' esse ut longitudo 'ab' ad longitudinem 'ac'. Cum enim absumptum assumptum sit, in naturali descensu velocitatis momenta eadem semper reperiri in punctis aequaliter ab orizonte distantibus iusta perpendiculares distantias, continue augeri secundum rationem elongationis perpendicularis a liena [linea] orizontali, in qua fuit lationis initium, constat quod, producta linea orizontali 'am', quae ipsi 'bc' erit parallela, sumptisque in perpendiculo 'ab' quotcumque punctis 'e', 'g', 'i', 'l', et per ipsa ductis parallelis orizonti 'ed', 'gf', 'ih', 'lk', erit mobilis per 'ab' momentum seu gradus velocitatis in puncto 'e' idem cum gradu velocitatis lati per 'ac' in puncto 'd', cum punctorum 'e', 'd' eadem sit distantia perpendicularis ab orizontis orizonte 'am': et similiter concludetur, in punctis 'f', 'g' idem esse velocitatis momentum, et rursus in punctis 'h', 'i', et 'k', 'l' et 'c', 'b'.

Et quia velocitas semper intenditur pro ratione elongationis a termino 'a', constat in latione 'ab' tot esse velocitatis gradus seu momenta diversa, quot sunt in eadem linea 'ab' puncta magis ac magis a termino 'a' distantia; quibus totidem in linea 'ac' respondent, et per parallelas lineas determinantur, in quibus iidem sunt gradus velocitatis. Sunt igitur in linea 'ag' quasi innumera quaedam spaciola, quibus multitudine quidem aequalia, et bina sumpta

credo esse utile si non [neces]sarium, demonstrasse, mobile in 'd' esse eiusdem momenti quam in 'c'