secundum eadem rationem respondentia, alia signantur in 'ac' per lineas innumeras parallelas ex punctis lineae 'ab' ad lineam 'ac' extensas, intercepta enim spacia 'ad', 'df', 'fh', et cetera, ad spacia 'ae', 'eg', 'gi', respondent singula singulis secundum rationem 'ac' ad 'ab'; suntque in singulis binis 'cb' respondentibus iidem velocitatis gradus. Ergo, ex praecedenti, tempora omnia simul sumpta lationum omnium per 'ab', ad tempora omnia similiter accepta lationum omnium per 'ac', eandem habebunt rationem quam spacia omnia lineae 'ab' ad spacia omnia lineae 'ac'; hoc autem idem est, ac tempus casus per 'ab' ad tempus casus per 'ac' esse ut linea 'ab' ad 'ac': quod erat demonstrandum.

hanc propositionem non arbitror veram, et credo propo ita debere proponi e et demonstrari.

Si in perpendiculo et in plano inclinato, quorum eadem sit longitudo, feratur idem mobile, tempora lationum erunt inter se ut planum inclinatum et pars perpendiculi, altitudinis ipsius plani