135
mulque versus totum hemisphaerium esg, magnâ vi
movetur, eò versùs pelli debere, quamvis ex se ipsis
nullam fortè habeant propensionem ad istum motum;
neque enim etiam ei repugnant, ut neque materia
primi elementi, quae est in N; ipsa enim paratissima
est ad eundum versus S, ibique spatium implendum,
quod, ex eo quòd globuli hemisphaerii concavi esg
versus N ferentur, corpori Solis accrescet. Nec ulla
est difficultas, quòd, uno & eodem tempore, globuli
secundi elementi ab S versus N, & materia primi ab
N versus S, tanquam motibus contrariis debeant
ferri: cùm enim haec materia primi non transeat nisi
per illa angustissima intervalla, quae globuli secundi
non replent, ejus motus ab ipsis non impeditur; ut
neque videmus in illis horologiis, quibus clepsydra
rum loco nunc utimur arenam ex vase superiori
descendentem impedire quominùs aer ex inferiori per
interstitia ejus granulorum adscendat.

LXXX.
Quomodo lumen Sòlis
tendat versus polos.

5

10

15

Quaeri tantùm potest, an tantâ vi pellantur globuli
contenti in cono eNg versus N, à solâ materiâ Solis,
quàm globuli shd versus H ab eâdem materiâ Solis,
ac simul à proprio motu; quod non videtur, si H & N
ab S aequidistent. Sed quemadmodum, ut jam nota
tum est, minor est distantia versus polos, inter Solem
&scircumferentiam coeli quod illum ambit, quàm
versus eclipticam: ita tunc ad summum illa vis esse
potest aequalis, cùm eadem est proportio inter lineas
HS & NS, quae est inter MS & AS. Unumque tantùm
habemus in naturâ phaenomenum, ex quo ejus rei