Alberti, Leone Battista De re aedificatoria 1485 | ||||||
|
ossibus illaqueata reddant: quales hi sunt / quos in pedes quinos
interserendos diximus.
Alii uero et hi quidem primarii procinctus
sunt: qui angulorum prehendendorum / operisque detinendi gratia /
per totam parietis longitudinem perducuntur: Sed hi postremi ra
riores adhibentur: et unico in pariete plusquam binos aut interdum tris
me nusquam uidisse memini: Eorumque situs sedesque primaria est: ut
summum parietis ueluti corona / immunem frequentioribus illis in
nexuris æqui inpedes quinos fiunt: Lapides si aderunt tenuiores
non dedecebit.
In his uero alteris / quas coronas nuncupamus: quo et rariores illæ
quidem sunt / et plus habent negocii: eo robustiores et crassiores
apposuisse lapides conuenit.
In utrisque suo in genere longissimi et
latissimi et firmissimi desiderantur.
Sed ita collocabuntur mino
res illi: ut una cum cæteris parietis corticibus ad perpendiculum et
regulam conueniant.
Hi uero alteri coronas imitati frontis proiec
tura prominebunt.
Ponunturque lapides istiusmodi prælongi et ad
modum lati ad libellam / et ordinibus bene connectuntur: ut quasi
superaddito pauimento subinstructa operiantur.
Lapidum istic nexu
ra est: cum nouissimus quisque nunc superinsternatur lapis: ita in iam
tum substratos coagmentatur et concinnatur: ut in duorum substitutorum
commissuram / æquata et collibrata extensione medius accumbat.
Quæ lapidum nexura uniuersa in structura minime negligenda cum
sit: cum est eadem in procinctibus huiusmodi maiorem in modum
obseruanda.
Aduerti reticulatis operibus ueteres assueuisse procin
ctum inducere: ut constaret ordinibus laterculorum quinque: aut nihilo
paucioribus tribus: quorum essent cum cæteri / tum ad minus ordo
unus lapide positus non crassiore quam cæteri illic iuncti: sed longiore
atque latiore.
Ordinariis uero instructuris lateritiis uidimus quosque
in pedes quinos illigamenti loco fuisse uno contentos ordine lateris
perampli bipedalis.
Vidimus etiam quod laminas plumbeas prælongas pa
rietibusque pares latitudine illigamenti gratia intersparserit.
Verum in
lapide prægrandi astruendo procinctu rariore uel quasi solis coronis con
tentos uideo.
In coronis absoluendis quando hæ quoque parietem firmissima
recingunt nexura: neglexisse nihil oportet eorum que hactenus de pro