Alberti, Leone Battista De re aedificatoria 1485 | ||||||
|
manant.
Similes in piceno serræ: et quas uulgo fossumbronias
nuncupant: et alibi complures.
Sed hi aditus natura muniti non
ubique ad arbitrium habentur: posse tamen uidemur multa ex parte
naturam imitari.
Quod ipsum locis plerisque fecere prudentissi
mi ueteres.
Nam hi quidem quo regionem contra hostium excursiones
munitam redderent sic rem parunt.
Referam ex gestis præstantissi
morum principum breuissime quæ ad rem faciant.
Apud euphratem
Artaxerxes fossa lata pedes. lx. longa passuum milium decem ab se
hostem exclusit.
Murum per britaniam Cæsares inter quos Adrianus
milia. lxxx. duxit : quo barbaros a romanorum agro separaret.
Antonius etiam pius eandem per insulam murum astruxit cespiceum.
Seue
rus post hunc transuersam per insulam utrimque ad fines oceani perduxit
uallum milia passuum.
c. et duo et uiginti.
Apud margianam re
gionem indiæ Anthiochus soter quo loci anthiochiam condidit:
muro ambitum regionis circumdedit longo stadia.
M. quingenti .
Duxit et seososis murum a latere ægypti arabiam uersus a pelu
sio ad urbem usque solis quam thebem nuncupant deserta per loca sta
dia itidem quingenta et mille.
Neritom ad leucidem cum fuisset conti
nens abscisso hystmo mari perducto fecere ut essent insula.
At chal
cidenses et boetii eurippo aggerem duxere: quo euboia boetiæ
iungeretur: ut esset altera alteri subsidio.
Ad oxum fluuium alexan
der sex condidit oppida inter se non multo distantia: ne subitis
hostibus lacessitis procul essent auxilia petenda.
Tyrses appel
lantur alto uallo munita præsidia castellis simillima: quibus
contra hostium aditus passim utebantur.
Persæ iactis cata
ractis fluuium impedierant tygrim / nequa posset nauis ho
stiliter ascendere.
Eas Alexander quod esse animi opus di
ceret ignaui diruit; suasitque potius uirium uirtute confiderent.
Sunt qui regionem aquarum copia inducta effecere ut esset simi
lis arabiæ: quam paludibus et stagnis ab euphrate contra hosti
um ingressus fuisse munitissimam ferunt.
Regionem igitur præsi
diis talibus contra hostem munitam reddidere.
Hisdem artibus
effecere ut esset quidem hostium regio imbecillior.