peritiam ex mathematicis adeptus sit / quæ angulis una et
numeris et lineis mixta ad usum est excogitata. Qualia sunt
quæ de ponderibus / de superficiebus / corporibusque metiendis
traduntur: quæ illi podismata embadaque nuncupant. His artibus
adiuncto studio et diligentia sibi gratiam architectus opes no
minisque posteritatem et gloriam nanciscetur.

Vnum hic non præterisse iuuet / quod ad architectum perti
net: non ultro omnibus qui se ædificaturos prædicant / opera polli
cenda tua est. Quod leues et gloriæ plus satis cupidi certatim fa
ciunt. Equidem haud scio an expectandum sit ut iterum et iterum
exposcant. Tibi. n. credant oportet sponte sua qui tuo se uti
uelle consilio præse ferant. Aut quod ego ut mihi unus alter ue
imperitus credat ultro meas dignas et utiles excogitationes
explicaturus prodeam nulla repensa gratia. Te. n. ut meis
monitis peritiorem efficiam in ea re: in qua aut maximo te le
uem dispendio: aut commodis et uoluptati uehemeter conferam /
me superi præmium meretur non mediocre. Dignitatem idcirco
seruasse consulti est / fidum consilium poscenti / castigataque linea
menta præstitisse sat est. Quod si forte ad te suscepis / ut ope
ris curator et finitor esse uelis: uix erit ut uites ne omnia alio
rum uitia erroresque seu imperitia seu negligentia commissa sint /
ad unum te ipsum referantur. Adstitoribus ista quidem solertibus
circumspectis rigidis demandanda sunt: qui quæ facto opus sit
diligentia / studio / assiduitate procurent. Velim quoque quoad
liceat cures / sit res tibi non nisi cum splendidis / et harum rerum cu
pidissimis principibus ciuitatum. Opera . n. quibusuis præstita
non dignis uilescit. Quid putas summorum uirorum auctoritates
quibus in primis inseruiendum censueris / tibi ad fructum laudis
conferat? Ego uero præter id quod plerique omnes nescio quo
pacto uidemur interdum ex fortunatorum sensu et iudicio plus
longe sapere uulgo quam sit in re. Is sum qui cuipiam architecto
prompte abundeque ea præstari / quæ ad opus efficiendum exigan
tur. Hoc tenuiores persæpe cum minus possint / etiam minus uo
lunt. Adde his quod uidere licet: ubi alioquin par sit artificis