Inde lego / phoebumque cio / musamque lacesso. Et urbi sane uici
na iuuant / facilesque recessus: Vbi quæ libeant / ex libidine lice
ant. Celebritatem dabit urbis propinquitas: uiæ claritas: regi
onis amoenitas. Delectabit istic ædificatio: si tum primum ex
urbe egressis tota se facie uidendam obtulerit lætam: ac si ad se
proficiscentes illectet atque præstoletur. Velim ea re elatula: et uelim
in eum locum uia præsurgat cliuo molli adeo ut uadentes fallat:
quoad conscendisse non ex alia re quam circunspectato agro id ex al
titudine loci sentiant. Prati spatia circum florida: et campus
perquam apricus: et siluarum umbræ subgelidæ: et limpidissimi fontes
ac riuuli: et natationes: et quæ alibi uillis deberi diximus /
non deerunt ad uoluptatem æque atque ad usum. Ceterum tota ædium
facies atque congressio / quod in omni ædificatione iterum atque iterum
conciliat ad gratiam peruelim penitus sit quaque undique illustris
atque admodum perspicua coelo latissimo plurimum admittat lu
cis / plurimum solis / plurimumque salubris auræ. Nolo spectetur
uspiam aliquod / quod tristiore offendat umbra. Arrideant omnia aduen
tu hospitis atque congratulentur. Sub tecta ingressi in dubio sint
malint ne animi gratia istic residere ubi sint: an ulteriora petere:
quorum hilaritate ac nitore prouocentur. Ex quadrangulis areis
rotundas: ex rotundis rursus angulares: ex his in eas progressus
detur: quæ neque totæ rotundæ: neque lineis omnibus rectis conclu
dantur; Cumque ad sinum interiorem domus inieris non ad
erit ubi gradum descendisse oporteat. Verum in ultimum
usque conclaue aut æquabili solo / aut limitibus modicis pe
netrabitur.

Sed cum partes ædificiorum inter se multum differant natura. s. et
specie: de his omnibus nobis consideranda censeo quæ alibi etiam huic
loco destinata reliquimus . Nam sunt quidem quæ tu seu rotunda fa
cias seu quadrangula / modo recte ad usum conferant minimi
interest. Quanta uero eadem sint / et quibus locis dispona
tur plurimum interest : Et earum aliæ maiores fiant necesse
est. Vti sunt ædium sinus aliæ minore indigent area: uti est
conclaue penetraliaque omnia. Aliæ sunt mediæ uti coenacula atque