excitabantur in eorum animis desideria carissimorum quos
amisissent: simulque illorum dicta et facta repetentes locum
adibant: et defuncti memoriam quibus poterant rebus hone
stabant. Hinc fortassis ortum est illud/ ut assueuerint cum
cæteri tum præsertim græci bene de se meritorum tumulos
honestare inferiis. Conueniebant enim inquit Tuchidides
illic cum indumentorum apparatu: et fructuum primitias
afferebant. Quod quidem opus et piissimum et maxime re
ligiosum putarunt: ut etiam publice id facerent. Ex quo fit
ut sic prosequar coniectura. Hinc eos ad sepulchra / non tu
mulos modo aut columellas operimenti notationis ue cau
sa: uerum et ponere delubra etiam instituisse: quo haberent
ubi id sacrum facerent cum dignitate. Ex quo illud curarunt
ut essent illa quidem perquam decentissima: atque omni ex par
te cultissima. Sed loca ubi sepulchra istiusmodi ponerent /
apud ueteres fuere uaria. Ex pontificia lege publico in lo
co facere sepulchrum uetabantur. Platoni sic uisum est ho
minem habendum ita ut neque uiuus neque mortuus ulla ex par
te hominum cetui sit grauis. Eaque de re cum extra urbem tum
et non alibi quam in agro penitus sterili conderent edicebat. Hunc
imitati fuere qui certum sepulchris locum designarint sub
diuo: et ab hominum cætu exclusum: quos ego uehementer
probo. Alii contra: cadauera condita gypso aut sale serua
bant domi. Micerinus ægyptiorum rex mortuam filiam in
boue ligneo condiderat: apud seque seruauerat aula regia: iu
bebatque in singulos dies ei qui mysteriis præerant paren
tarent. Solitos refert Seruius ueteres præstantissimis filiis
atque nobilissimis locare sepulchra excelsis et maxime con
spicuis in montibus. Alexandrini per Strabonis historici tem
pora septa et hortos habebant condendis corporibus dicatos.
Proxima patrum nostrorum ætate sacella templis maioribus
adacta extruebant sepulchrorum causa: uisunturque toto
in latio bustuaria familiarum suffossa tellure instructa di
stinctis per parietem bustulis: quibus crematorum reliquias