usu et munere accomodanda sunt. Partium annotandarum
multiplex habetur ratio. Sed nos hic delectet ædificium sic
partiri / aut per id in quo una conueniunt: aut per id in quo
dissimilia sunt omnia ædificia. Primo ex libro intelleximus
deberi ædificio cui uis regionem / aream / partitionem / parie
tem / tectum apertionem. In his igitur conueniunt. Diffe
runt quidem / quod alia sacra: alia prophana: alia publica: alia
priuata: alia ad necessitatem: alia ad uoluptatem et eiusmodi
parantur. Ordiamur ab his in quibus conueniunt. Regioni
quidem manus aut ingenium hominis quod possit gratiæ aut
dignitatis afferre / uix satis constat: ni forte illud conferat:
si eos imitabimur: qui superstitiosa quæ leguntur operum
miracula excogitarunt: quos tamen uiri prudentes non ui
tuperant: si commoda facere aggressi sunt: et non laudant si sunt
non necessaria. Merito id quidem. Quis enim audeat quicunque
ille fuerit seu Stasicrates ut refert Plutarchus: seu Dinocra
tes ut refert Vitruuius: qui ex monte athos Alexandri effi
giem facturum se polliceretur: in cuius manu ciuitas asside
ret milium capax hominum decem A: Nitocrim reginam
quod eundem ad pagum assyriorum tertio inflexum euphratem
maximis fossionibus multo ambitu appellere coegerit non
equidem delaudabunt: si regionem cum munitissimam fos
sa profunditate / tum et fortissimam aquarum exuberantia red
diderit. Sed íuuent ista reges potentissimos. Iungant maria
maribus proscisso spatio quod inter utrumque sit. Coæquent
montes uallibus: Faciant nouas insulas: restituantque rui sus
insulas continenti: nihil relinquant aliis: quo se possint imi
tari: eoque pacto sese commendent posteritati. Certe quo erunt
quidem eorum opera magis cum utilitate coniuncta: eo et ma
gis probabuntur. Assueuerunt ueteres afferre dignitatem cum
locis et lucis: tum etiam regioni religione. Totam siciliam
Cereri sacratam fuisse legimus: sed ista prætereantur. Illud
perplacebit: si erit quidem regio mirifica re aliqua prædita quæ
sit raritate singularis: uirtute admirabilis: et suo in genere