Alberti, Leone Battista De re aedificatoria 1485 | ||||||
|
incredibili habita impensa: ubi ciuium peregrinorum ue
quiuis nullam que ad salutem pertineat rem / sibi defuturam
sentiat.
Sed quom sint egroti alii morbidi: qui lepra peste
et huiusmodi contagionum uenenis beneualentes inficiant:
alii uero ut ita loquar sanabiles sint / distincta hos habere
uelim diuersoria.
Veteres Aesculapio Apollini / salutique
diis: quorum artibus et minime genus hominum bonam ua
litudinem recuperare atque seruari arbitrabantur ædes loco non
nisi saluberrimo astruebant: ubi sinceræ auræ et purgatissi
mæ aquæ suppeditarent: quo illic delati egrotantes non ope
deum tantum / uerum etiam locorum beneficio promptus
conualescerent.
Et nimirum saluberrima imprimis loca esse
optabimus: ubi aut publice aut priuatim egrotos habeas:
Siccea fortassis eam ad rem atque saxosa et uentis assiduo
abstersa: et solibus non usta: sed facili tempore illustrata pro
labuntur: quando humida putredinum fomenta sunt.
Sed
palam est naturam in re omni gaudere temperamento: quin
et sanitas ipsa haud aliud est quam complexi ex quibus censtet
temperamentum: et mediocria semper delectant.
In cæte
ris contagiosi non urbe modo / uerum etiam ab uia publica
longe excludentur: reliqui urbe asseruabuntur: istorum omnium
tecta partiantur et distribuantur sic / ut alibi se recipiant quae
curantur: alibi quos incurandos magis susceperis: quam seruan
des: quoad sic sese sua tulerint fata: uti sunt decrepiti et ca
ti mente.
Adde quod alibi feminas / alibi mares / siue egrotent
siue istos curent / separatim habendi sunt.
Adde etiam quod ue
luti in famulis sic et in his: aliorum alias secretiores / alias
communiores esse diuersorii partes conuenit: prout ipsa cu
randi et cohabitandi ratio modusque monstrabit: de quibus
nostrum non est prolixius prosequi.
Tantum hoc faciat ad
rem fore istiusmodi omnia suis totis partibus ex priuatorum
usibus diffinienda.
De his hactenus.
Nunc quod reliquum
est prosequamur ordine uti institueramus.
Nam esse quidem
partes. r. p. duas diximus: alteram sacram: alteram prophanam.
Sacra