se sit perducere. Id non re alia fiet pulchrius quam philosophia.
Quom enim in hominum natura duo sint / quæ nobis id præ
stare possint: uirtus. s. et ueritas: Quando fiet quidem ut hæc
perturbationes animi sedet atque excludat. Illa uero naturæ
opus atque rationes explicet: nobisque communicet: ex quibus
rebus ingenium ab ignorantia: mens a corporis contagione
purgetur. Per hanc nimirum inimus uitam beatissimam pro
pe ut simus diis redditi persimiles. Adde quod bonorum est
quales et esse et haberi pontifices uolunt / ea meditari: stu
dere: prosequi quæ hominum generi ab homine deberi intel
ligant: egrotos / imbelles / destitutos: et eiusmodi officio /
beneficio / misericordia / leuando: iuuando. In his enim sese
suosque exerceat pontifex officii est. De his nobis seu ad ma
iores pontifices seu potius ad minores pertineat dicendum
uidetur. Atqui a claustris incipiemus. Claustrorum genera
alia conclusorum / ita ut nusquam in publicum prodeant / præ
terquam fortassis in templo / et lustrationum pompa. Alia non
usque conclusa / ita ut perpetuis temporibus arceantur. Horum
item alio mares / alio feminæ continentur. Virginum clau
stra neque intra urbem si posita sint uitupero: neque omnino
extra urbem laudo. Illic sane solitudo minus præbebit infe
statorum: sed qui se ingesserint / plus habebunt ocii et licen
tiæ ad facinus / ubi nulli assistaret arbitri quam hic inter multos
sceleris spectatores atque dehortatores. In utrisque prouidendum
quidem est: ne uelint de castitate mereri male: sed imprimis
ne possint. Qua de re ita præcludendi aditus omnes sunt: ut
nemini pateant: obseruandi / ut circumuolitare attentator pos
sit nemo sine præsentis ignominiæ suspitione. Neque tam
munita esse legionum castra uallo fossaque oportet quam istarum
septa sunt muris obuallanda / altis / integris / nullis uspiam
apertionibus relictis: quibus non dico castimoniæ expugnatores
sed ne oculorum aut uerborum quidem faces et ueneres ad animos la
befactandos possint immitti. Lumina introrsus per aream subdiua
lem excipient. Circum aream porticus / ambulatio cellæ / cenaculum /