Alberti, Leone Battista De re aedificatoria 1485 | ||||||
|
humore humectoque aere gaudent pauimenta dum fiunt.
Et in um
broso atque humido firmiora et integriora seruantur.
Et pauimen
tis nocua inprimis sunt / soli infirmitas / et repens exsiccatio.
Nam
ueluti reiteratis pluuiis densatur in aruis tellus: ita et pauimenta
abunde humectata unam integramque insoliditatem ferruminantur.
Quo in loco pauimenti ex fistulis tectorum imber cadens excipi
tur / lapideam posuisse oportet crustam perquam integram et admo
dum solidam: ne impotentium guttarum assidua / ut ita loquar /
improbitate refodiatur atque uitietur.
Præterea pauimentum quod
in materia et contignato insternitur curandum est ut ossa quibus
sustineatur / uiribus sint ualida et inter se coæqualia: Quæ res si
non erit: puta siquo loco aut paries aut trabs ualde robustior cæte
ris subiecta sit: eo loci findetur pauimentum atque uitiabitur.
Nam
cum materia non semper eodem tenore uigoreque consistat / sed tem
porum uarietatibus moueatur / humidis mollescit: siccis ad rigi
ditatem sese reuocat atque obfirmat: ea re partibus eneruatioribus
sub pondere laborantibus atque sidentibus nimium finditur.
De his hactenus.
Sed illud nolim præteriisse quod probe faciat ad rem.
Namque, alia
quidem fundamentis fodiundis: alia complendis.
alia parietibus
attollendis: alia testudinibus imponendis: alia crustis obducendis
tempora atque anni acrisque modus et facies debentur.
Et enim fodi
untur quidem commodissime per caniculam atque ipsum per autumnum
tellure arenti et humoris exuberantia fossiones non impediente.
Complent etiam haud omnino incommode ad primum uer / maxi
me ubi profundiora sint: nam ab æstatis ardoribus satis protegen
tur tellure obsidente atque circumfouente.
Sed longe commodius
complebuntur ad brume initium: modo ea regio non sit sub coeli
axe et eiusmodi: ut e uestigio gelet potius quam cohæreat.
Paries
quoque cum æstus nimios: tum et acres algores atque subitas gelationes
atque præcæteris aquilones uentos odit.
Et inprimis testudo omnium
maxime æquabilem et contemperatam coeli tempestatem optat:
quoad obfirmauerit opus sese / atque duruerit.
Crustas per quam attem
perate inducemus ad uergiliarum ortum: et per eos demum dies